Ano ang Sariling Kustodiya?
Sanay na kaming mag-iwan ng mga bagay sa custody ng iba.
Tumutukoy ang custody sa nagpoprotektang pag-iingat o pangangalaga ng isang bagay. Regular naming iniiwan ang mga asset sa pag-iingat ng mga bangko, tagapamahala ng pamumuhunan, at palitan.
Dati, mga bangko lang ang eksklusibong may pisikal na cash at dito natin puwedeng iwanan ang pera at mahahalagang pag-aari natin at kampante tayo na ligtas ang mga ito rito. Ang mga bangko ay may mga vault, samantalang mayroon kang mga unan at mga floorboard.
Sa self-custody, ang vault ng bangko ay katumbas ng isang safe sa bahay: halos ibinibigay mo ang seguridad na ibinibigay ng bangko, pero may ganap kang kontrol sa mga asset na itinago mo rito. Hindi lang iyon nangangahulugan na ikaw ang may kontrol sa mga ito—nangangahulugan din ito na walang ibang may kontrol sa mga ito. Pero, ang responsibilidad na protektahan ang mga asset na iyon ay sa iyo lang.
Dahil ang karamihan sa makabagong gawaing salapi—kabilang na ang pagbabangko—ay naging digital, natural lamang na isipin na ang mga asset ay electronic: sa katunayan, 8% lang ng lahat ng pera sa mundo ay pisikal na pera.
Ang natitirang 92% ay hindi na pisikal: kapag nakatanggap ka ng tseke, magbayad ng Netflix subscription, o bumili ng medieval goblet sa Amazon, ang mga transaksyon na ito ay nagaganap na hindi gumagamit ng pisikal na pera.
Bagama't natural lang isipin na sa mga bangko tayo nagso-store ng pera at mga asset natin dahil matagal tayong umaasa sa mga ito, ganap na magkaiba ang pisikal na mundo at digital na mundo.
May mga hindi magandang dulot kapag umasa sa bangko o isang palitan ng crypto para sa custody ng mga asset mo. Halimbawa, kailangan mong palaging i-authenticate ang sarili mo sa iyong bangko bago ka nila payagang i-access ang mga account mo. Karaniwang maganda ang ganitong bagay, hanggang sa magkaroon ng isang hindi inaasahang transaksyon (gaya ng pagbili ng isang medieval goblet) na mukhang kahina-hinala sa custodian, na posibleng i-lock ang mga account mo pagkatapos. O nagkaroon ng pinansyal na pagbagsak at maglalagay ng mga limitasyon ang iyong custodian sa pagbebenta ng stock mula sa iyong mga account, o mas masahol pa, mapipilitan ang iyong bangko na mabangkarote dahil sa pagbagsak ng merkado, na pipigil sa iyong i-withdraw ang iyong pera.
Ang naibubunyag nito ay may intermediary na kumokontrol ng iyong mga asset, at sila ang nagbibigay ng pahintulot na ma-access mo ang mga ito…at maaaring bawiin ang pahintulot na iyon.
Isa ito sa mga kritikal na kaibahan ng cryptocurrency: maaari kang maging custodian ng sarili mong digital assets, kung saan nagmumula ang terminong “self-custody”.
Paano?
Pero paano naging posible iyon?
Sa kabila ng lahat, kailangang may isang taong mangasiwa sa mga digital na asset mo. Hindi ka nagpapatakbo ng server o database para subaybayan ang mga digital na asset ... ang mga bagay na ginagawa ng mga bangko at pamahalaan?
Ang totoo, ginagawa mo ito. O, puwede mo itong gawin. Ito ang pangunahing teknikal na ideya sa likod ng mga unang cryptocurrency. Ang totoo, ang mga cryptocurrency network ay mga bukas na global network na ginagamot ng marami: hindi sila pag-aari ng anumang grupo, kumpanya, team, tao, o gobyerno. Hindi mo kailangan ng pahintulot para sumali o i-access ang mga ito. Pinatatakbo ang mga ito ng mga taong hindi naman naiiba s iyo, na nagpapatakbo ng software sa kanilang mga computer para magsilbi silang mga node sa network. Naka-synchronize ang bawat node sa buong network at naglalaman ng sarili nitong hiwalay na kopya ng data ng network. Ginagawa nitong ligtas ang buong network sa pamamagitan ng desentralisasyon: kung tumatakbo ang network sa tatlong libong node, halos imposibleng makompromiso ang sapat na bilang ng mga ito nang sabay-sabay para mapinsala ang kabuuang network; halos para itong panghuhuli ng isang malaking grupo ng isda gamit ang isang maliit na net.
Ang network na ito ang magiging kapalit ng isang bangko o iba pang custodian. Dito nakasalalay ang mga digital asset mo, at gaya ng natutunan natin sa nakaraang aralin, ang digital na pagkakakilanlan mo ang nagpapatunay sa iyo sa network sa pamamagitan ng pagkakaroon mo ng lihim na impormasyon: ang iyong mga pribadong cryptographic key, na ligtas na naka-store sa wallet na crypto mo. Tinatawag na self-custodial ang mga wallet na crypto dahil dito: Ikaw ang custodian at ang tanging makaka-access sa iyong mga pribadong key. Walang iba pang tcustodian ang kinakailangan para bigyan ka ng pahintulot na kontrolin ang mga asset mo, kaya walang makakapigil sa iyong gamitin ang mga ito. Palaging naka-on ang network at available para sa iyo. Pero gaya ng isang safe sa bahay, respondibilidad mo ang seguridad nito—panatilihing ligtas ang iyong mga pribadong key at ang Secret Recovery Phrase.
Ang paglulunsad ng sariling kustodiya ang naging panimula ng panahon ng totoong digital ownership, isang bagay na tatalakayin natin sa susunod na aralin.
Ano ang Sariling Kustodiya?
01Ang sariling kustodiya ay Digital na Pagmamay-ari
02Ang mga self-custodial wallet tulad ng MetaMask ay walang access o kontrol sa aking mga asset, palagi itong naka-on at pinapayagan akong magbigay ng permiso
03Ang sariling kustodiya ay nangangahulugang pinoprotektahan at binabantayan ko ang aking assets nang may ganap na kontrol sa mga ito
Handa nang gawin ang susunod na hakbang?
I-explore ang MetaMaskHuwag palampasin angmga bagong aralin.
